Søndagsfrukost

Søndagsfrukosten er mitt favorittmåltid. Det er herleg å sova lenge, for så å ta seg god tid med frukosten. Menyen er ulik kvar gong, og det er sterk variasjon i kor avansert den blir og kven som diskar opp. Det er ikkje snakk om timelang førebuing, men enkle, gode ting. I dag var det egg- og ostesufflé som vart servert. Det høyres meir avansert ut enn det det er. Ferdig på 20 min, og då er eit kvarter i omnen inkludert. Andre ting som raskt kan ordnast er: Amerikanske pannekaker, vanlege pannekaker, scones, eggerøre, fruktsalat eller litt ekstra godt pålegg. Ikkje store jobben og det er absolutt verdt innsatsen.